三昌牛肉打邊爐

一家大細星期六日唔想出去食最好就係屋企打邊爐。但打邊爐都有好多功夫要做，買料就係最煩同最重要既一款。通常我會一早打去三昌訂定牛肉，三昌既牛肉就真係好出名，好食同款式多，但一定要訂，吾訂好可能會買唔到。

屋企人唔係好多，所以通常只係買3款，今次就係遲左打去，所以楓門柳唔夠貨，咁就買些少牛柳邊搭夠啦。

牛胸油/牛白肉。好似話係胸膜，樣皮就似好肥，其實完全唔肥，好爽口。

金錢展。牛既後腿肌肉，一隻牛得2條，比普通牛展好味同爽好多。

楓門柳。橫隔膜既肌肉，好香牛味同好有咬口。

牛柳邊。牛背既邊位，油份較多同軟身。

其他食物包括龍蝦，龍躉肉，鮑魚仔，雞紅，丸，雜菜。好開心，正!

三昌牛肉
荃灣楊屋道街市2樓
TEL: 2499-1201