原本計劃之後去睇另一個動物園,但呢次旅程都睇左2次,加上宜家仲早,只係2點半,所以決定先上阿蘇火山。上山其實係有最少3條路上,原來只有一條路先會經過草千里,我地亂打亂撞行中左呢條登山道,但我都唔記得行左邊條了。草千里真係一大片草地,今日天陰陰,加上有些涼風,岩岩好。
上到吊車站,你可以選擇坐吊車,又可以自己渣上去。唔駛問梗係自己渣上去啦,吊車係好多人坐,同埋香港都唔係未坐過。上到去就見到個指示燈,今日好好彩係黃色,可以去火山口。如果係紅色就唔好意思啦,冇得上。
阿蘇火山口
熊本県阿蘇市黒川808-5
TEL: 0967-34-041
一個個好似屋仔係用黎避難既,如果真係火山爆發,算把啦,走咩呀,等死啦。呢個火山對上一次有飛出黎係2005年,唔算係爆發。計上去上次好大爆發係幾千年前了。
終於睇到個火山口,真係好大好堅,初頭風向係吹黎我地個面,所以都睇唔到個底。但突然轉風向,就睇到個底啦,原來好似個湖咁。呢個火山好奇怪,完全冇硫磺味。
4點幾睇完火山就去番草千里既商店食些小食後就去旅館啦。因為今日天陰陰,4點幾就似太陽想落山咁。要快些落山,九州好多路都係冇街燈架,好恐怖架! 落山係行另一條路,去白水溫泉區。行左成10幾分鐘都見唔到一架車,驚! 仲要行行下個GPS傻左,2次叫我轉右,但右面係涯喎...唔好咁嚇我啦。好彩係得一條路,同埋好明顯係落緊山。落到山個GPS就正常番囉。今晚住既旅館係白水溫泉既竹の倉山荘。
竹の倉山荘
熊本県阿蘇郡南阿蘇村中松2065
Tel: 0967-67-2980
入到房,冇得同上一晚比,今晚呢到平一半喎。間和室一眼睇哂,今晚就訓係呢個廳到架啦。出面個戶外風呂我都覺得唔錯,都好正。
晚餐就去餐廳到食,同湯布院一樣,都係上網BOOK房時要講明有幾多人?大人餐幾多位,小學生餐幾多位,嬰兒餐幾多位。我BOOK左呢個【本館★1泊2食付き】★客室露天風呂で温泉を満喫!★3コースから選べる夕食がうれしいプラン♪現金特価 都係一樣唔知係乜東東。
嬰兒餐:
小學生餐:
大人餐:
前菜: 五色盤
先付
刺身: 馬肉,雞肉
洋皿: 雞肉沙律
燒肉: 牛,地雞,菜
馬肉,原來係好好食,令我對下一晚熊本個餐馬肉宴好大期望。九州既地雞真係超好味,連續2晚都有食,都唔覺浪費食野機會。
請問"洋皿: 雞肉沙律"入面的雞肉是否生的? THANKS!
回覆刪除