2013九州親子自駕遊－準備篇

自三公主出世後都未去過旅行，今次有機會去旅行，心情確實興奮。

日本，永遠都係旅遊既好去處。食、住、行完全安全質素高。只係自上次福島事件後，老婆對日本既介心都係好重。所以今次選去九州，反正我都未去過，梗係好架。老婆話不如今次試下自己渣車啦，租一架車點都平過4個人買飛坐火車。好..就咁決定。

之後就不停睇書，睇BLOG，上網查料，就定左個路線圖出黎。

福岡->別府->湯布院->白水溫泉->熊本->福岡，7日6夜。

我先在旅行社買3日2夜福岡PACKAGE，定頭同尾個晚。其餘4晚就自己BOOK。

BOOK日本酒店可以經幾個網站，我就用日本樂天，唔係中文版，價錢係唔同架。

日本樂天

http://travel.rakuten.co.jp/

湯布院、白水溫泉同熊本既酒店就一搵就搵到，日本樂天又有得BOOK，所以完全冇問題。

別府個到我一心就想BOOK杉乃井，但經日本樂天BOOK就好似好FULL同好貴，所以諗左好耐照BOOK定BOOK另一間 - 望海? 咁岩我上旅行社再睇時見到有得BOOK杉乃井，咁就經旅行社BOOK埋呢間。

酒店攪好哂就攪通訊，咁我就係日本買左張DATA PLAN，咁又可上網，又可VIBER番香港，爽。成個過程都係網上攪，你可指明邊日送去你第一晚既酒店，記得個收件人同你BOOK酒店同一個名就OK。

Japan Communication
http://www.bmobile.ne.jp/english/

因為只係買左張DATA卡，所以個POCKET WIFI係要自己帶去，千期唔好帶台機，因為SIM LOCK左。要帶電腦場買既，張張卡都用得既。之後就跟網站SET定哂個APN，錯左係上唔到網架。
跟住就攪最重要既租車。借車都係上網BOOK，我係經ToCoo Travel攪既，咁入面係有幾間租車公司你可以選擇。咁我就梗係搵間最近酒店既BOOK啦，用TIMES。點知...衰左! 朋友同我講租車一定要借埋ETC CARD，即係好似香港既AUTOTOLL，上公路自動俾錢個隻。原來日本用ETC CARD俾錢係平3成左右，日本既國道收費都幾甘下架，所以一定要借埋。九州可以借埋ETC CARD既租車公司只有BUDGET同NIPPON，咁就出事啦。最近個間原來岩岩係博多站另一面，由酒店行去都要15分鐘。拎住行李同帶住小朋友都唔野少。都冇計啦..都要改BOOKING，改有BUDGET。之後朋友話個GPS記得REQUEST要英文發音，唔係呀?又要改?咁SEND EMAIL問啦，原來英交發音係只有機場間BUDGET先有。唉..算數，反正睇住個DISPLAY都夠。下次BOOK酒店係要先CHECK清楚租車公司先好BOOK!

ToCoo Travel

http://www2.tocoo.jp/smarty_ctrl/auto.php?file=car_rental_application/main