2013九州親子自駕遊－城島高原遊樂城 (Day 3) Part 1

第三天，一早起身趕住8點去食早餐，都係自助餐，款式一樣係好多，佩服! 9點半出發去今日既景點 - 城島高原遊樂城。呢個遊樂城最出名就係個過山車，仲要係用木造既，都幾驚心動魄。

城島高原パーク
大分県別府市城島高原123
TEL: 0977-22-1165

但我地既目標並唔係刺激既機動遊戲。而係KIDS DRIVING SCHOOL。去到RECEPTION，職員會問你有冇車牌，冇就要先去上堂，考試。

全日文既課程，2位公子完全聽唔明，悶到發慌。老師問既問題完全冇反應唔識答。

上完堂就上車去試渣啦。老師講解點渣，一樣完全唔知佢講乜。都係自己渣算啦。

呢個DRIVING SCHOOL個馬路其實都幾大，2位公子一渣車，人都精神哂，好鬼興奮。

實習完後，就返去RECEPTION等考試結果，合格就會有張DRIVING LICENSE。我就見人人都合格囉。

一拎到張LICENSE，就可以要買飛仔再渣車，每次15分鐘。2位公子第一時間沖去排隊，乜渣車真係咁好玩架咩?

渣完車後就係遊樂城四圍行，其實都冇咩野岩玩，一來樣樣野都要另外俾錢，二來個感覺好舊。不過最爽就係個遊樂城係冇咩人，下次再黎時都唔知會唔會執鬼埋。走前就去左兒童王國，呢個係免費既，玩多一陣就出發去湯布院。