自家制清湯腩

成日覺得人地識煮野食係一件好叻既事。次次都想學，但萬千個理由藉口，冇次學得到。最近網上睇下點整清湯腩，見唔係咁難，係入門級既，就拿拿林試下。去街市買斤牛腩，我買坑腩，但貴到驚，成$80一斤，之後就去超市買樽月桂葉(Bay Leaf)，咁就可以返屋企開工。

網上見煮清湯腩落好多野既，又花椒八角、酒、薑等等。但我見呢個煮法就真係名乎其實既清湯，因為只有水、月桂葉。其實落得花椒八角，仲點可以叫清湯呢?呵呵!

材料:
月桂葉              8-10片
牛腩(坑腩)          1斤

煮法:
先將牛腩出一出水，備用。

再將水、月桂葉同牛腩放入鍋，慢火炆2個鐘，用筷子好易刺穿就可以。食前加鹽即可。

用黎撈飯真一流。