2013年9月20日 - 西貢灣仔南營

2013年9月20日

人物: 龍人一家五口, Stephen, Helen (Day Trip)

        : Gary, Yvette, Ricky, Maggie (露營 9月19-21日)

天氣: 超強颱風天兔就快殺到..好熱..冇咩風..約30-32度

地點: 西貢灣仔南營

時間: 11:00AM - 8:30PM

今次有機會一家大細親親大自然，心情好興奮，但又好擔心。本身自己都唔係好捱得，加上我個3位大少千金，都唔知攪唔攪得掂!

我7點起身就負責去超市買BBQ用品，Stephen同Helen就係重要補絡隊，一早去西貢市買海鮮。約左11點在巴士站等，但因為Gary都出黎匯合，所以在市中心等多一陣。你睇妹妹熱到呢......唔好話細口路，大人都頂唔順。

買完野先去松記車仔面食個LUNCH先。之後就搭的宜去黃石碼頭。假期時間，多人到呢.....

去到碼頭，CALL大飛去灣仔南，$150一程，我地9個人，抵到爆。唔駛10分鐘就到，如果你坐街渡，45分鐘左右啦。

灣仔南一上碼頭就係，去到已2點。個大草地真係幾大，因我第一次去營地，都唔知呢個陣容係正常定太誇張。我諗少則都有60-80個營係到。

後尾Yvette send左張相黎話咁先係正常。

之後我地拿拿林去游水。Gary, Yvette同Ricky就去搵海膽，成個海都係，任執。好可惜唔識開，所以冇食到。

玩到4點就返去準備BBQ。因為呢個營地得幾個爐，一早就冇哂啦。所以我負責帶個BBQ爐去，私家爐，仲過引。今晚個食物真係好豐富: 腸仔、雞翼、豬扒、白鱔、大蝦、牛扒、大蜆、雞、鮑魚、鳥頭、焗薯等等。

烏頭唔係元朗楊氏鳥頭，果然唔好食，重泥味。大蜆好甜。

鮑魚不過不失。

白鱔一條，切件，好好味。大蝦爆羔，正到冇朋友。

牛扒好好味，但$100幾一塊，呢到都唔知有幾多塊!

私家爐

壓軸係大雞2隻，超好味!因天太黑，影唔到相。

重裝備飲品。

話咁快就7點幾，又到回程時間，CALL大飛返黃石，之後坐94號巴士去西貢市。

唔知點解，可能對得都市太多，我對呢類活動好有興趣，下次我都要參加2日1夜團先得。

借營友Gary呢幾日幾張靚相。