之後就渣車由街頭去街尾既B-SPEAK。我預左咩都賣哂，但竟然ORIGINAL SIZE既原味同朱古力味都仲有貨，我地買左原味。
好肚餓，又唔見有咩野食，問職員附近有冇壽司食?竟然係冇既，只有些面店。都好，我最鐘意食拉面。肚餓時咩都覺得好食。
今晚既旅館係成個TRIP最貴個間，所以我地拿拿林去超市上中彈藥就去旅館。呢間叫楓の小舎既旅館我係參巧另外一些BLOG既。去到後，真係嚇一嚇，嚴格上你唔可以用房去形容，真係一間屋咁制。由門口入，有條樓梯，會經過室內風呂，戶外風呂，之後就到第一個廳，入面又有一個廳，之後就有間睡房，廁所。廁所隔離仲有間熱石房，你係訓上張熱石床上，真係爽到冇人有。
大門
屋仔門口
長樓梯
室內風呂
戶外風呂
內廳
睡房
熱石房
晚餐係在屋內食既，我在網上一早ORDER左 【夏得】夕・朝お部屋食付き♪手作りふるさと料理と名物赤鶏鍋・ 豊後牛が味わえる♪【楓会席】 其實我都唔知有咩食，好肯定係有牛同雞。
呢餐飯,可以話印象深刻，因為真係好好食。我覺得最好食係個豆腐，個土雞原來可以咁好食，牛肉當然唔差啦。日本BOOK房時，要講明小朋友幾大同要唔要預餐。大公子7歲，二公子4歲，原來係好大分別。其實都估到，因為價錢都差好多。大公子個小學生餐基本上同大人餐冇分別，只係一次過拎俾你。二公子個嬰兒餐就真係另外款式。
嬰兒餐
小學生餐: 另外一樣有魚生，魚塊，豆腐，菜，魚肉湯
前菜: 酒，魚生，魚塊，豆腐(超好味)，菜，魚肉湯，生果壽司(超好味)
主菜:土雞鍋，矮瓜，豐後牛，土雞鍋飯
雪糕
係鄉村既溫泉旅館，除左浸溫泉真係冇咩野可以做。好彩我地有B-SPEAK蛋卷。原味真係勁好味，好重蛋味。因為大公子一早訓左，所以我地就同二公子一齊食，但一樣食哂。
沒有留言:
張貼留言