2013九州親子自駕遊－福岡 (Day 6)(Part 2)

3點鐘啟程回福岡，先去酒店放低哂行理，之後就去入油還車。今次旅程行左500公里左右，入油500港元有找。

根據熊本既經驗，我地都係去酒店附近行街就算，千萬唔好去太遠，小朋友頂唔順。所以我地先搭2個站地鐵去天神行下佢條地下街。失望，冇野睇。

之後行下百貨公司就返博多去JR博多CITY。呢到個商場好大，都幾多野睇，加上好多食店係到，算係行得過。

JR博多CITY
福岡市博多區博多站中央街1-1
TEL: 092-431-8484

之前係日本大放送介紹過有間食博多名物既就係呢個商場入面，牛腸鍋 - 笑樂，所以就去試下。9點幾去到，仲要排隊?唔係呀..真係咁好食?

笑樂
福岡市博多區博多站中央街1-1 10樓
TEL: 092-409-6860

係等緊期間，睇下仲有咩食，原來有間一風堂，又係排哂隊。

因為下午燒肉太飽既關係，我地都唔係好食到，只係叫左2人份量就算。對於香港人黎講，呢個鍋會相對普通，老婆直頭係唔鐘意添。我只好講，試下囉，話哂都叫博多名物。

今晚住番第一晚個間博多都酒店。