2013杭州、千島湖、湖州豪華遊 (DAY3)

十一月一大清早既杭州真係好舒服，街上也冷清。

今早出動去食下地道既早餐，平時呢D細細間核核突突既鋪真係打死都唔會入，今次有人帶就去試下啦。又真係幾好食架喎。

之後就出發去千島湖，都差唔多要2個鐘車程。中間有個休息站，其實真係唔想去，好怕好核突，點知都算合格。但同日本比較，都係一個天堂一個地獄啦。

去到千島湖，天氣好好，個天好藍，同杭州完全唔同。第一件事又係去食，千島湖就一定要食大頭魚，個頭真係大得好誇張。

 

遊千島湖島就先去碼頭上船，我地坐快艇，快好多! 景色好靚，但要睇最靚既景色，其實我覺得早上去會好好多。

最靚既景色就係梅峰島，可惜黃昏係唔靚既! 有緣就再黎啦! 但要上到山頂係要行15-20分鐘樓梯，真係唔野少!!!

晚上入住千島湖洲際度假酒店，呢間酒店可以話係千島湖最好個2-3間，個房大到呢，又有露台，對住個湖，真係正到爆!

因為呢間酒店都好遠下，所以都冇再出市區食，就係酒店隔離食晚餐。當然都係要食大頭魚啦，仲要2個唔同湯底。

千岛湖洲际度假酒店

淳安 羡山半岛
电话0571-88818888
　千岛湖洲际度假酒店独居千岛湖美丽的羡山半岛，距离千岛湖镇商业区仅30分钟车程，到杭州市全程高速，仅需1.5小时。周围莲花峰、千岛神牛、卧虎藏龙、情人峡、将军帽等喀斯特地貌资源发育成熟，景观突出；香樟谷、桔子谷等森林峡谷，为宾客提供登山、远足、溯溪、山地自行车等有氧运动。