入左禁區先去食午餐，第一次係呢個時間坐飛機。撞正食飯時間，禁區入面多人到呢~~!痴線架! 事旦食個味精拉面就算。
去到台北，先去出口隔離唱錢同買電話卡。台灣既電話卡真係平到冇朋友。
之後就拿拿林去買車飛去台北車站。東話國光最好，要記住了!
呢3晚既酒台就在台北車站新光三越後面既YMCA。好方便，靚就一定唔靚，好夠方便、乾淨同都好大間房。放低行李後就出發食飯。
要食台灣既麻辣火鍋，通常D人都係去鼎王，但東話佢地D同事就通常去老四川，對我黎講都係一樣唧，2間都未去過。最後就去老四川，其實鼎王就係對面。坐捷運由台北去忠孝新生站再行15分鐘就到。去到7點幾....嚇死...多人到呢。話要等到11點幾先有位!!!唯有又出絕招啦，同服務員講..我地從香港黎架，明天一早就走架啦..求下你幫下手啦。萬試萬靈，唔駛半個鐘就俾到位我地。但下次都係BOOK定位啦。
怕太辣，所以叫左個鴛鴦鍋，不過...因為麻辣太好食，另一邊係冇食過咁制，下次只叫麻辣就OK了。2條友..叫得太多啦...下次唔好啦~~!
講到尾，最好食就係鴨血，其實只食鴨血我都夠啦~~~!!
食完返酒店訓。
老四川
台北市中山區長安東路二段112號
電話：02-25152222
YMCA 台北青年國際旅館Y HOTELTAIPEI
台北市中正區許昌街19號
電話: +886-2-2311-3201
沒有留言:
張貼留言