2013杭州、千島湖、湖州豪華遊 (DAY1)

杭州、千島湖、湖州豪華遊其實都同余先生計劃左成年，終於係2013年11月14-18日成行。今次參加既有我同我老婆，余先生同王小姐。大陸方面，余先生既朋友徐小姐同徐先生2家人全程陪同，行程同膳食都係佢地安排哂，真係非常感激。

一早就坐港龍早上8AM機去杭州，真係早到爆。但機場一早就鬼死咁多人。去杭州架飛機只係架機仔。去到杭州都係10AM左右。

徐先生一早就由長興黎杭州接我地機，我地先去酒店放低行李，之後再出發。第一晚住既酒店係杭州洲際酒店，外型成個波咁，都幾靚，不過...土豪D囉!

之後就出發去西溪，在西溪入面間酒店先食個午飯。沿路風景好靚，11月去杭州溫度12-20度，真係正到暈。徐小姐都係呢個時間黎到會合我地。

成個行程，係唔駛擔心食唔飽，大陸人叫野食呢方面真係不同所響。其實自己都唔知自己食過乜，介紹完都係唔記得既。睇下相回憶下就算。估唔到，杭州既食物係咁好食!

之後就入園遊西溪，環境好優美，坐船仔慢慢遊，初頭就好興奮，點知成個過程係3小時，最後大家都係悶死左既。

遊完就出發去按摩。又係一個字，靚。可惜我第一日可能唔習慣，又暈浪，唔係太享受。

食飯去海鮮街，戰鬥力已剩唔唔夠20%，所以相都冇影到，都係問下團友SEND幾張黎POST就算。

返到酒店後又冇咩事，死未？

杭州洲际酒店
杭州 江干区 解放东路2号
电话 0571-89810000
杭州洲际酒店坐落于杭州钱江新城中央商务区，毗邻钱塘江畔，市民中心、波浪文化城和杭州大剧院皆在咫尺，周边配套如万象城购物中心、砂之船生活广场、高端写字楼、银行金融中心等一应俱全。