溫泉酒店一泊二食通常都唔會令人失望。今次既早餐唔算好好，但都叫做中上。
登別呢個溫泉區隨左地獄谷後，仲有2個景點。一個係熊牧場，一個係依達忍者，即係好似以前宋城咁。我地最後只係去睇下熊人。
一個細細既地方，熊既數量其實都幾多。但睇下睇下係呢到都停留左唔少時間。
睇完又到食午餐時間，就在溫泉街食拉面。其實呢到係冇咩選擇。但又好食個下先死。
長途車去函館，差唔多到函館會到大沼國定公園。睇書仔介紹呢到好靚，可惜今日天氣太差，乜野都睇唔到。
同埋冇食店開門。
冇野做，咪早些去酒店浸下溫泉再算啦。今晚住在函館既溫泉區-函館湯川王子飯店渚亭。
今晚都會在酒店入面食，今次係食鐵板燒。但太早了，所以在酒店附近行下。
好期待既一個晚餐。
吾....失望，都唔係我心入面既鐵板燒。又唔係好食，份量又少。唯有早D訓，第二天早上殺去函館朝市食到夠。
湯の川プリンスホテル渚亭（なぎさてい）
〒042-0932 北海道函館市湯川町1丁目2番25号
TEL.0138-57-3911
沒有留言:
張貼留言