人物: 龍人，小雲，小雲老公，Sam，小雲朋友
天氣: 天陰，26-30度
地點: 嘉頓、迪士尼、燈籠洲
時間: 8:30AM - 5:30PM
艇家: 華哥姨仔
今次終於有得跟小雲出去釣魚，好開心好緊張。今日天氣都係普通，好大煙霞。今次仲未有機會坐到華哥船，原來小雲師父今日都有去，佢地就坐華哥船，我地就坐華哥姨仔船。
第一釣點去嘉頓釣頭蝦，博大魚。我唔識就梗係睇人釣學下野啦。去到已有好多隻船係到，一停船就見到對面船起條好大既紅鮋，原來人地係用生尤魚，要在長洲買的。絲我諗最少都要10-12號絲，子彈咁大粒既鉛同好大個勾。
釣左個幾鐘都上唔到我地就轉去迪士尼。開始釣到魚，不過全部都係細魚。我唔理啦..最緊要係釣到，細魚都好開心。
最後去燈籠洲一帶，呢到就唔係好釣到。
返到深井碼頭，見到小雲師父佢地已返到。望一望個地下，嚇左一嚇，咁大條魚~~! 原來係條6斤幾既細鱗!!!
我地既魚獲就.....差天共地。
之後就跟小雲去食呢條巨鱗。
沒有留言:
張貼留言