香港->東京->札幌
上年9月CHECK哂校曆表，知道6月13日2位公子考完大考後，就即BOOK定6月15日零晨機去東京。原來打算去東京近郊，但最後有2位朋友一起去，所以決定改去北海道。今次就去番傳統既路線，札幌、小樽、登別、函館。飛機先去成田，之後坐VANILLA再去札榥，去到札幌大約9點幾。
去到新千歲機場，點都係要去一幻食番個拉面。同以前一樣，只係得呢間有人排，其他拉面店真係執得。
之後就在機場坐專車去TOYOTA租車，因為已習慣TOYOTA既租車流程，所以每次去日本都係在TOYOTA租車。今次我地勁，租架大7人車，初頭以為自己租得過大，點知好快就知冇選錯。
出發第一站真係冇人估到，就係去三井OUTLET掃貨先。掃左2個鐘多就去札幌間酒店CHECK-IN。
今次又係住札幌王子飯店。呢間好好咩?唔知!都係因為習慣左囉。
TEA TIME就去薄野睇下有乜野食，見到間壽司店好似唔錯喎。就食番個壽司先，都真係唔錯啦。
之後就行去札幌站去百貨公司再SHOPPING。沿途就經過大通公園，時計店呢D行野。
第一個晚餐就梗係要豪一豪啦，唔駛講~食蟹。食邊間好呢?事旦啦~就蟹將軍啦，反正未去過。呢間就在札幌站對面。
好味~好味~好味~好飽~好味~好味~好味~
食完2位老婆又再去SHOPPING，2位老公就返酒店抖下算。
一幻拉面
三井OUTLET
喜代村壽司
蟹將軍
札幌王子飯店
沒有留言:
張貼留言