2014北海道自駕遊 - 道東大暴走 (第一天)

11月28日星期五晚上，食完飯，就扮鬼扮馬叫小朋友上床訓，之後2公婆就鬼鬼祟祟出發。飛機先去成田，2個鐘後再去札榥，如果飛機冇DELAY，呢D時間就真係PERFECT。

去到札榥都係大約10點幾，因為今日要大長途車，所以先去食野先。機場國內線3/F有個大商場叫SMILE ROAD，好多野買同好多野食。有個地方專食拉面。

入面有間叫一幻既拉面店，特別多人排，咁岩我地早機，所以唔駛排隊。真係好好味，初頭以為因為太肚餓，屎都覺好食啦，去完6日之後就知道，呢間一幻真係最好味個間。

之後就坐專車去TOYOTA拎車。今次特登BOOK呢架小車，個車頂較高，坐得舒服D囉。

之後就用GPS入今晚既酒店，係網走能取湖邊。有2條路都可以行，道央自動車道或道東自動車道。之前用GOOGLE SEARCH過大約4個半鐘左右啦，點知GPS話要7個鐘.....今次真係屎得.....~!! GPS話行道東自動車道最快，咁我地就行呢條路啦。

北海道，其實真係好鄉下，車路冇乜車，街又冇乜人。

好彩之前食左野，原來道東車道既休息站係冇野食既。之後經過一間超級市場，就落去行下睇下。

唔怪得知GPS要咁耐，因為國道時速限制係40KM，真係慢都冇人有，咁我地呢D唔守法既人，就快過40少少啦..。仲有道東自動車道只有一條線，要行一大段路先有大約1公里既路俾你爬頭。國道就反而好D，全程都係雙線雙程，有8-9成既路你都可以爬頭，當然最好就等直路先好去爬啦，大把直路，唔駛心急。

北海道冬天係3PM就日落，咁我又好彩3PM就去到目的地。最後同GOOGLE一樣，用左4個幾鐘。

因為唔識BOOK船長之家，只可BOOK其他酒店。能取の荘　かがり屋 都過得去啦。

晚餐係飯堂到食，去到已經見到我個名。

D野唔錯，特別條魚，好好味。可惜既係蟹份量太少。

食完又返去浸浸浸。因為在泣溫泉酒店真係冇野可以做。好早就去左訓。