龍人遊記: 勝記海鮮酒家

2014年8月18日星期一

勝記海鮮酒家

勝記，西貢海鮮既表表者。去西貢食海鮮，最出名就係水魚，因為大家就係一條水魚，俾人任劏。

所以我極少去西貢食野，今次有幸跟朋友去食，因為佢又熟勝記，又識買海鮮。今次食既海鮮全部都唔係西貢買既。龍蝦同象拔係茶果嶺買，2隻花龍蝦加埋6斤幾，每斤$420。象拔每條$220。條斤半重既魚$900，咩魚就自己睇啦。2隻羔蟹，1隻肉蟹同20幾隻花竹蝦加埋都係千幾。買料加埋大約5千幾。之後勝記既來料費+雜項都係2千幾。成餐飯總數係7千幾，11個人除，每人約700。抵到暈。